ചന്ദ്രിക നീരാട്ടിനിറങ്ങി ( ഗാനം)

ചന്ദ്രിക നീരാട്ടിനിറങ്ങി

ചന്ദ്രഗിരീ നിന്‍ ഓളങ്ങളില്‍

ചന്ദനം പൂക്കുന്ന താഴ്വരയില്‍

ചാമരം വീശി തളിര്‍തെന്നല്‍

[ചന്ദ്രിക നീരാട്ടിനിറങ്ങി..........

ഇന്ദുമുഖീ നിന്‍ നീള്‍മിഴിപ്പൊയ്കയില്‍

ഇന്ദീവരമായ് വിടരാന്‍ കൊതിപ്പു ഞാന്‍

സുന്ദരമാമീ പൌര്‍ണ്ണമി നിന്നുടെ

മന്ദഹാസമോ മാന്ത്രിക സ്പര്‍ശമോ?

[ചന്ദ്രിക നീരാട്ടിനിറങ്ങി...........

പൊന്‍‌കണിയൊരുക്കീ പുലര്‍കാല ചന്ദ്രന്‍

പൊന്‍‌ഹാരമണിഞ്ഞൊരുങ്ങീ കണിക്കൊന്ന

പൂമകളേ നീയുണരൂ ഇന്നെ‌ന്റെ

പൂവാടിയില്‍ സ്നേഹ സുഗന്ധമായൊഴുകൂ

[ ചന്ദ്രിക നീരാട്ടിനിറങ്ങി...........

************************************************

ആരെങ്കിലും പാടിക്കേള്‍‌ക്കാന്‍ പറ്റിയിരുന്നെങ്കില്‍.........

വീണ്ടും കാണുമ്പോള്‍

തീരത്ത് ഞാനുണ്ട്

തീരത്ത് ഞാനുണ്ട്

കണ്ണൂര്‍ = കണ്ണീര്‍ ?

[ഏതാണ്ട് എട്ടൊന്‍പതു വര്‍ഷം മുന്‍പെഴുതിയ ഒരു കവിത ഇപ്പോഴും പ്രസക്തി നഷ്ടപ്പെട്ടിട്ടില്ലെന്നു തോന്നിയതിനാല്‍ അതേപടി ഇവിടെ പോസ്റ്റുന്നു.]

കണ്ണീര്‍ച്ചാലുകള്‍ കൈവഴികള്‍ താണ്ടി
കടല്‍ കടന്നെത്തുന്ന രോദനം കേള്‍പ്പു
ഞാന്‍ അമ്മേ നിന്‍ മക്കളിത്രയും ഭ്രാന്തരോ?
കാലാതിവര്‍ത്തിയോ സ്വാമിസൂക്തം

ലോകമെങ്ങും പുകള്‍ പെറ്റ നിന്‍ നന്മയും
സാംസ്കാരികോന്നതരായ ജനതയും
തല കുനിക്കുന്നു മനം നൊന്ത് കേഴുന്നു
തലകളുരുളുന്ന കണ്ണൂരിനെയോര്‍ത്ത്.

കണ്ണീരിന്‍ മറ്റൊരു പര്യായമാകുമോ
കണ്ണൂരു നാളെ മലയാളഭാഷയില്‍
എവിടെപ്പിഴ്ച്ചു നിന്‍ മക്കള്‍ക്ക്
കാടത്തമെന്നു മുളച്ചു നിന്‍ ഗര്‍ഭത്തില്‍
ഏതു ദുര്‍ഭൂതത്തിനായ് കുരുതി തുടരുന്നു
സോദരാ നിര്‍ത്തുകീ താണ്ഡവം , ചെണ്ടയില്‍
രുധിര താളമടിച്ചു തലയാട്ടി നില്പവര്‍
നാളെ നിന്‍ വീഴ്ചയുമാഘോഷമാക്കുവോര്‍ .

നൊന്ത വയറു പുകയുന്നു, കനല്‍ക്കാറ്റി-
ലുഗ്രശാപത്തിന്‍ വെള്ളിടിവെട്ടത്തില്‍
നീ തിരിച്ചറിയുക , കാല്‍ക്കീഴില്‍
പ്രാണനറ്റു കിടപ്പതു നീയാണ്,
നിന്റെ ചുറ്റിലുമാര്‍ത്തു ചിരിച്ചും വിതുമ്പിക്കരഞ്ഞും
നടക്കുന്നതൊക്കെ നിന്‍ നിഴലാണ്

നിന്നെ നീയാക്കിയ നിന്‍ തണല്‍ കാത്തൊരാ
ദൈന്യരാം സ്‌നേഹവാത്സല്യങ്ങള്‍ കാണുക
നിര്‍ത്തുകീ സംഹാര താണ്ഡവം
കാലമായ് സ്‌നേഹത്തിന്‍ ഗീതികള്‍ പാടുവാന്‍ .

തിരയുന്നതെന്തെന്റെ മിഴിയില്‍ ( ഒരു യുഗ്മഗാനം )

Voice A
തിരയുന്നതെന്തെന്റെ മിഴിയില്‍
തിരയുടെ താളമോ തീരത്തിന്‍ മോഹമോ
താരാട്ടു കേട്ടു മയങ്ങുന്ന പൈതലിന്‍
തൂനിലാവൂറുന്ന പുഞ്ചിരിയോ
പറയൂ പറയൂ നീ
തിരയുന്നതെന്തെന്റെ മിഴിയില്‍

*************[തിരയുന്നതെന്തെന്റെ.....
Voice B
ഒരു സ്വപ്നവസന്തമെന്റെ മുന്നില്‍ വിരിഞ്ഞപ്പോള്‍
ഒരായിരം നെയ്ത്തിരി ദീപം തെളിഞ്ഞപ്പോള്‍
ഓര്‍മ്മകള്‍ ചിത്രശലഭങ്ങളായെന്നെ
ഒരുപൂമുറ്റത്തേക്കു മാടിവിളിക്കുന്നു
അതു നിന്റെ മിഴികളില്‍ തെളിയുന്നു കണ്മണീ
അനുരാഗലോലമാ തിരുവോണ നാളുകള്‍

********** [തിരയുന്നതെന്തെന്റെ ......
A
ഇനിയും വരില്ലേ വസന്തം ...
B
ഇതള്‍ നീട്ടുകില്ലേ സുമങ്ങള്‍ ...
A
ഹൃദയത്തില്‍ വിരിഞ്ഞൊരാ രാഗപുഷ്പത്തിന്റെ
വാടാത്തയിതളുകളില്ലേ...
B
നമ്മില്‍ മായാത്ത സൌരഭ്യമില്ലേ...
A&B
മണ്ണിനെ വിണ്ണാക്കാന്‍ മുള്ളിനെ പൂവാക്കാന്‍
കൈകോര്‍ത്ത നമ്മളൊന്നല്ലേ..
എന്നും നമ്മള്‍ക്ക് തിരുവോണമല്ലേ....

********** [തിരയുന്നതെന്തെന്റെ മിഴിയില്‍......

വിനീതിന് പിറന്നാളാശംസകള്‍

ഇവന്‍ വിനീത്
എന്നെ ‘പുത് ‘ നരകത്തില്‍ നിന്നും ത്രാണനം ചെയ്യേണ്ടവന്‍....
ഇന്ന് പന്ത്രണ്ടാം പിറന്നാള്‍ ദിനത്തില്‍ എല്ലാ ഐശ്വര്യാശംസകളും നേരുന്നു....

സ്‌നേഹപൂര്‍വം അച്ഛന്‍
------------------------

പ്രഭാതകിരണം (ഒരു ഗാനം)

പ്രഭാതകിരണം തഴുകീയിരുളിന്‍
യവനികയുയര്‍ന്നു നിന്‍ പുഞ്ചിരിയാല്‍
പ്രണവമുണര്‍ന്നു പ്രകൃതിയുണര്‍ന്നു
പ്രിയതരമാമനുരാഗമുണര്‍ന്നു.

പ്രഭാതകിരണം.............

പരിണയസുദിനം കനവിലണഞ്ഞു
പരിമൃദുവദനം സുമദലമണിഞ്ഞു
പ്രണയവനികയില്‍ വനചന്ദ്രികയായ്
പടരാന്‍ പാലാഴി ചൊരിയാനണയൂ

പ്രഭാതകിരണം.........

അനാരതം തവ സ്മിതാതിമധുരം
സഞ്ജീവനിയായ് ഹൃത്തില്‍ നിറഞ്ഞു
അനുരാഗവിവശന്‍ അകതാരിലുണര്‍ന്നു
സമക്ഷമണയൂ ഹൃദയേശ്വരിയേ

പ്രഭാതകിരണം..........