Voice A
തിരയുന്നതെന്തെന്റെ മിഴിയില്‍
തിരയുടെ താളമോ തീരത്തിന്‍ മോഹമോ
താരാട്ടു കേട്ടു മയങ്ങുന്ന പൈതലിന്‍
തൂനിലാവൂറുന്ന പുഞ്ചിരിയോ
പറയൂ പറയൂ നീ
തിരയുന്നതെന്തെന്റെ മിഴിയില്‍
*************[തിരയുന്നതെന്തെന്റെ.....
Voice B
ഒരു സ്വപ്നവസന്തമെന്റെ മുന്നില്‍ വിരിഞ്ഞപ്പോള്‍
ഒരായിരം നെയ്ത്തിരി ദീപം തെളിഞ്ഞപ്പോള്‍
ഓര്‍മ്മകള്‍ ചിത്രശലഭങ്ങളായെന്നെ
ഒരുപൂമുറ്റത്തേക്കു മാടിവിളിക്കുന്നു
അതു നിന്റെ മിഴികളില്‍ തെളിയുന്നു കണ്മണീ
അനുരാഗലോലമാ തിരുവോണ നാളുകള്‍
********** [തിരയുന്നതെന്തെന്റെ ......
A
ഇനിയും വരില്ലേ വസന്തം ...
B
ഇതള്‍ നീട്ടുകില്ലേ സുമങ്ങള്‍ ...
A
ഹൃദയത്തില്‍ വിരിഞ്ഞൊരാ രാഗപുഷ്പത്തിന്റെ
വാടാത്തയിതളുകളില്ലേ...
B
നമ്മില്‍ മായാത്ത സൌരഭ്യമില്ലേ...
A&B
മണ്ണിനെ വിണ്ണാക്കാന്‍ മുള്ളിനെ പൂവാക്കാന്‍
കൈകോര്‍ത്ത നമ്മളൊന്നല്ലേ..
എന്നും നമ്മള്‍ക്ക് തിരുവോണമല്ലേ....
********** [തിരയുന്നതെന്തെന്റെ മിഴിയില്‍......
